Material nga: Arbëria
Njerëzit thonë që bukuria nuk është siperfaqësore dhe në fakt është edhe më shumë se kaq.
Bukuria fillon nga stomaku!
Kjo ka goxha kuptim nëse e mendoni me hollësi. Organi më i madh në trupin tonë është lëkura, dhe fakti sesi duket ajo, është tregues i shëndetit sidomos i bakterieve në stomak apo në zorrët tona.
Acarimet apo skuqjet e lëkurës janë vetëm një nga ato gjëra me të cilat do të kemi të bëjmë herët ose vonë. Por nëse i keni të shpeshta dhe shfaqen në çdo cikël të jetës suaj, e nëse bashkë me skuqjet keni papritur edhe kapilarë, vija apo pulla të kuqe që s’i keni patur më parë atëherë hidhni sytë nga stomaku.
Stomak i lumtur, lëkurë e lumtur
Ju po mendoni ç’lidhje ka stomaku me lëkurën por e vërteta është që stomaku ka një rol aq të rëndësishëm sa ju nuk e imagjinoni dot. Ndryshimet në mikrobiomë, mund të shkaktojnë probleme në sistemin imunitar, në mënyrën sesi prodhohen hormonet dhe sa mirë përthithen ose jo vlerat ushqimore nga organizmi ynë. Nëse mikrobiomën intestinale e ke të ç’balancuar, ajo mund të hapi probleme në të gjithë sistemin.
Ne jemi vetëm në fillimet e studimeve për të kuptuar rolin e bakterieve në lëkurën tonë por studimet e fundit kanë treguar se të kesh një balancë dhe mirëfunksionim të stomakut, mund të ndihmojë në eliminimin e skuqjes së lëkurës dhe stresit oksidativ. Mos të themi që ndikon edhe në një gjumë më të mirë, në balancimin e glukozës si edhe në kthjellimin e mendjes.
Lëkura është si çdo organ tjetër i trupit. Që të jetë e shëndetshme dhe të rrezatojë, ajo kërkon ushqim të mirë dhe vlera të plota ushqyese. Por nëse mikrobioma nuk funksionon mirë, zorrët ndikohen nga kjo dhe trupi nuk arrin të përthithi vlerat ushqimore për të cilat keni nevojë, ndër to edhe Vitaminat A - D, zink dhe bakër, të cilat janë të nevojshme për një lëkurë të shëndetshme.
Ne jemi vetëm në fillimet e studimeve për të kuptuar rolin e bakterieve në lëkurën tonë por studimet e fundit kanë treguar se të kesh një balancë dhe mirëfunksionim të stomakut, mund të ndihmojë në eliminimin e skuqjes së lëkurës dhe stresit oksidativ. Mos të themi që ndikon edhe në një gjumë më të mirë, në balancimin e glukozës si edhe në kthjellimin e mendjes.
Lëkura është si çdo organ tjetër i trupit. Që të jetë e shëndetshme dhe të rrezatojë, ajo kërkon ushqim të mirë dhe vlera të plota ushqyese. Por nëse mikrobioma nuk funksionon mirë, zorrët ndikohen nga kjo dhe trupi nuk arrin të përthithi vlerat ushqimore për të cilat keni nevojë, ndër to edhe Vitaminat A - D, zink dhe bakër, të cilat janë të nevojshme për një lëkurë të shëndetshme.
Por si ndodh që mikrobioma ç’balancohet?
Ka arsye të ndryshme pse mund të ndodhi kjo duke filluar që nga stresi, proçesi natyral i plakjes deri tek mënyra e jetesës perëndimore. Dieta ushqimore luan rol shumë të rëndësishëm; konsumimi i ushqimeve me shumë sheqer, ushqimet e skuqura e të përpunuara, janë shumë agresive për bakteriet e stomakut tonë. Për shembull në perëndim përdorin antibiotikë dhe, edhe pse ato përdoren në një dozë të caktuar, pësëri ndikojnë tek bakteriet pa dallim nëse ato janë të mira apo të këqija.
Por për fat të keq ne mund të marrim antibiotikë edhe në mënyrë indirekte. Disa fermerë komercialë përdorin antibiotikë në doza të larta në ushqimin e kafshëve. Këto substanca të dëmshme mbeten tek ushqimet që ne konsumojmë çdo ditë si; mishi, qumështi, vezët, djathi dhe gjalpi.
Si ta ndihmoj lëkurën time?
1. Jini më vigjilentë me çfarë po ndodh në trupin tuaj.
Mendoni mirë se çfarë po konsumoni qofshin këto mjekime, ushqime, ujë dhe lëngje.
Shumë kujdes duhet të tregoni edhe me produktet e pastrimit të shtëpisë. E njëjta gjë këshillohet edhe për locionet, kremërat dhe të gjitha produktet e kozmetikës. Ndoshta s’doni ta pranoni, por edhe produktet më luksoze e më të shtrenjta, përmbajnë kimikate të fshehura, ngjyrosës dhe aroma të cilat janë aq të dëmshme sa ju nuk e imagjinoni dot, si për lëkurën ashtu edhe për shëndetin mikrobial.
2. Shtoni probiotikë në dietën tuaj.
Tani që e dini se shëndeti i lëkurës suaj është shumë i lidhur me mirëqënien e stomakut, provoni të bëni disa ndryshime për të përmirësuar balancën mikrobiale.
Një nga gjërat më të lehta është të shtoni probiotikë të cilat gjenden tek qepët, shpargujt, bananet, hudhra, kivi etj. Pak a shumë të gjitha fruta-perimet janë të mira. Parardhësit tanë kishin një regjim fantastik ushqimor. Ata konsumonin 50 - 100 gramë probiotikë fibrash çdo ditë. Ka një ndryshim shumë të madh nga doza jonë e rekomanduar, 5 - 8 gramë dhe që shumë prej nesh mezi i konsumojnë.
3. “Ndotuni pak më shumë”.
Kjo mund të duket në kundërshtim me të gjitha ato mesazhe që marrim lidhur me reklamat e locioneve dhe pastruesve të lëkurës – por të ekspozohemi ndaj më shumë lloje bakteriesh natyrale, ndihmon në balancimin e mikrobiomës dhe siç thamë, mikrobiomë më e shëndetshme, lëkurë më e bukur.
Kjo s’do të thotë të mos e pastroni lëkurën, por pastrojeni vetëm me produkte natyrale dhe mos e tejkaloni masën e larjes apo pastrimit të saj.
Provoni këto këshilla që ju dhamë dhe pas 2-3 javësh shihni sa ndryshim do të keni në mirëqënien e lëkurës dhe organizmit në tërësi.
